Farging

Farga klede signaliserte rikdom. Kongeblått, skarlaken, purpur – alle fortalde om makt og mynde. Både planter og til dels dyr (lus, sniglar) har vore brukte for å setja farge på tekstilar. Dei dyre, internasjonale fargestoffa fekk snøgt lokale og mest like gode erstattarar, bygd på forsøk og røynsler. Særleg kan nemnast lavet korkje, som frå mellomalderen og ei tid frametter også vart eksportert til Skotland.