Lokale verksemder går saman for å redde eit av dei eldste sjøhusa i Solund
Denne helga går fem lokale verksemder saman om ein dugnad dei kallar Skippertaket for å redde eit av dei eldste sjøhusa i Solund.
I 2018 hadde Jensbua Kystkultursenter styremøte, og praten gjekk om kva tiltak ein kunne gjere for å skape meir blest kring bygningsvern, kulturminner og tradisjonshandverk. Rundt bordet sat eldsjel og initiativtakar til Jensbua Kystkultursenter Ove Losnegård , som også driv sitt eige snikkarfirma; Ove Losnegård snikkar og båtbyggjar, Erlend Gjeldsvik som driv Nedre Jølster Bilelag, og Trude Søilen, som til dagleg jobbar i Norsk Kystkulturakademi as. Trude er og styreleiar i Sognefjorden Kystpark, og ho etterlyste prosjekt eller arrangement som Kystparken kunne bidra til og samarbeide om. Denne kvelden fekk Erlend ein spennande idé. -Kva om dei fire verksemdene ein gong i året gjekk saman med arbeidsfolka og kompetansen sin, og gjorde eit skippertak på dugnad for å redde eit kulturminne!? Det er mange flotte bygningar, båtar og anlegg rundt om kring i området som sårt treng litt vøling og ei kyndig hand, og særleg har kulturminne knytt til kystkultur lenge vore stemoderleg behandla.
Sjøbua på Strand i Solund kommune.
Til saman har verksemdene stor kompetanse på eldre bygningar og båtar. Nedre Jølster Bilelag har mellom anna restaurert fleire av stavkyrkjene i landet , og held kurs og underviser både på fagskular og høgskular.
Medlem i Handverkslaget, Ove Losnegård er utdanna båtbyggjar og har registrert, restaurert og rekonstruert mange særeigne bygningar og båtar. Ove har over fleire år samarbeida med Norsk Kystkulturakademi som er relativt nye i faget. Dei har som formål å formidle både ny og gamal kystkultur og har dei siste åra satsa meir på snekkerverksemd og bygningsvern. Primus motor her er Willem Pranger som er møbelsnekker av yrke. Kystkulturakademiet har i ein årrekkje samarbeidet med Bergen arkitekthøgskule om undervisning for arkitektstudentar som skal lære om en av de eldre bygningskonstruksjonane vi har; grindbygg.
Dei andre tende på ideen om “Skippertaket” og verksemdene inngjekk ein partnarskapsavtale med Sognefjorden Kystpark der formålet er å dele og byggje kunnskap, erfaring og kompetanse på bygningsvernområdet og setje fokus på kulturminner, - særleg dei som er knytt til kystkulturen.
Skippertaket er såleis ein måte å sette bygningsvern på dagsorden og profilere tradisjonshandverk som ei spanande yrkesveg for unge handtverkare med interesse for byggeskikk og historie.
Dette året er det eit gamalt grindbygg innerst i Strandavågen i Solund som skal settast i stand. I fylgje lokale kjelder skal dette vere eit av dei eldste sjøhusa i Solund. Alle taksperrene skal skiftast og stavar og betar skal laskast i, ein metode der ein lappar skada bygningsdelar med nytt treverk. Dugnadslaget starta arbeidet i går fredag kveld, og håpar å vere ferdige sundag ettermiddag.
Trude Søilen
Norsk Kystkultursenter
